वारसा पित्याचा ! प्रख्यात साहित्यिक वि. स. वाळिंबे यांचा मुलगा अभिजित वाळिंबे यांची ही प्रकाशन संस्था! १९६५-६६ च्या सुमारास वि. स. वाळिंबे यांनी "गरुडझेप" व "वज्रप्रहार" ही स्वतःची दोन पुस्तके प्रकाशित करुन "अभिजित प्रकाशना"ची मुहुर्तमेढ रोवली.

संग्राह्य आणि दर्जेदार पुस्तके प्रकाशित करणारी संस्था असा नावलौकिक "अभिजित प्रकाशन"ने अल्पावधीतच प्राप्त केला आहे.

प्रस्थापित लेखकांबरोबरच गुणवान नवोदित लेखकांचे साहित्य प्रकाशित करण्याचे "अभिजित प्रकाशना"चे धोरण आहे. एकाच प्रकारची पुस्तके प्रकाशित न करता विषयाचे वैविध्य जपण्याचे "अभिजित प्रकाशना"चे उद्दिष्ट आहे.

आता "अभिजित प्रकाशना"ने दर्जेदार अनुवादित पुस्तके प्रकाशित करण्याच्या क्षेत्रात पदार्पण केलं आहे.

इंग्लिश / इंग्रजी पुस्तकांबरोबरच भारतीय भाषांमधील पुस्तकांचे अनुवाद प्रकाशित करण्याचा "अभिजित प्रकाशना"चा संकल्प आहे.